ലോകത്തുടനീളം ഏറ്റവും കൂടുതൽ ആൾക്കാർ മരിക്കുന്നതിന് കാരണമാകുന്ന രണ്ടാമത്തെ കാൻസറാണ് കോളൻ കാൻസർ. അമ്പത് വയസിന് മുകളിലുള്ളവരെ സാധാരണയായി ബാധിക്കുന്ന ഈ കാൻസർ ഇപ്പോൾ ചെറുപ്പക്കാരിലും സാധാരണമാകുന്ന സാഹചര്യമാണുള്ളത്. ഇതിനെ സംബന്ധിച്ചുള്ള ഒരു പഠനമാണ് ഇപ്പോൾ പുറത്ത് വന്നിരിക്കുന്നത്. 1950കളിൽ ജനിച്ചവരുമായി താരതമ്യം ചെയ്യുമ്പോൾ, 1990കളിൽ ജനിച്ചവർക്ക് ഈ അസുഖം ബാധിക്കാൻ രണ്ടിരട്ടി സാധ്യതയുണ്ടെന്നാണ് പഠനം പറയുന്നത്. ഭക്ഷണരീതിയിലെ പ്രശ്‌നങ്ങൾ, വ്യായാമത്തിന്റെ അഭാവം, അമിതവണ്ണം, പുകവലി, മദ്യപാനം എന്നിവയാണ് ഈ കാൻസറിലേക്ക് വഴിവയ്ക്കുന്നത്. തുടക്കത്തിലെ കണ്ടുപിടിച്ചാൽ മാത്രമേ ചികിത്സകൊണ്ടും ഫലവും അതിജീവനവും സാധ്യമാകുള്ളു. അതിനാൽ ഈ രോഗത്തെ കുറിച്ച് അറിഞ്ഞിരിക്കേണ്ടതും മുന്നറിയിപ്പുകൾ ഗൗരവമായി കണക്കിലെടുക്കേണ്ടതുമാണ്.
നിങ്ങളുടെ മലമൂത്രമൂത്ര വിസർജ്ജ്യത്തിൽ വരുന്ന മാറ്റം ഒരിക്കലും ശ്രദ്ധിക്കാതെ പോകരുത്. ഇത്തരം രോഗം വരുന്നവർ എപ്പോഴും വയറുമായി ബന്ധപ്പെട്ട കാര്യങ്ങളിൽ പരാതിപറയുന്നുണ്ടാവും. മലബന്ധം, വയറിളക്കം, മലവിസർജനത്തിലെ മാറ്റങ്ങൾ എന്നിവയൊന്നും കാര്യമാക്കിതിരിക്കരുതെന്ന് ആരോഗ്യ വിദഗ്ദർ ചൂണ്ടിക്കാട്ടുന്നു. ഒരാഴ്ചയിൽ കൂടുതൽ ഇത്തരം ലക്ഷണങ്ങൾ കാണുന്നുണ്ടെങ്കിൽ ഡോക്ടറെ കാണണം.
കോളൻ കാൻസറിന്റെ ഏറ്റവും പ്രധാനപ്പെട്ട ലക്ഷണങ്ങളിൽ മറ്റൊന്നാണ് മലത്തിനൊപ്പം കാണുന്ന രക്തക്കറ. കടുത്ത നിറത്തിലോ അല്ലെങ്കിൽ വ്യക്തമായ ചുവന്ന നിറത്തിലോ പൂപ്പിനൊപ്പം രക്തം കാണാനുള്ള സാധ്യത കോളൻ കാൻസറിന്റെയോ ഹെമറോയിഡ്‌സിന്റെയോ ലക്ഷണമാകാം. ഇതും ശ്രദ്ധിക്കേണ്ടതാണ്.
നിങ്ങളുടെ വയറിനുണ്ടാകുന്ന വേദനയും കാര്യമായി എടുക്കേണ്ട ലക്ഷണമാണ്. കാരണമെന്താണ് എന്നറിയാൻ കഴിയുന്നില്ലെങ്കിൽ ഡോക്ടറെ കാണണം. 2024ലെ പഠനം പറയുന്നത് 63 ശതമാനം യുവാക്കളായ രോഗികളിൽ ഇതാണ് കോളൻ കാൻസറിന്റെ പ്രധാന ലക്ഷണമായി കണക്കാക്കുന്നത്. കഠിനമായ വേദന, ഉരുണ്ടുകയറ്റം ഇവ തുടർന്ന് കൊണ്ടിരിക്കുകയും അസഹനീയമാവുകയും ചെയ്യുന്ന അവസ്ഥ.
പെട്ടെന്ന് ശരീരത്തിന്റെ ഭാരം കുറയുന്നതും കോളൻ കാൻസറിന്റെ ലക്ഷണമാണ്. ഒരു കാര്യവുമില്ലാതെ ഭാരം കുറയാം. ഭക്ഷണക്രമത്തിലോ ഫിറ്റ്‌നസിലോ ഒരു മാറ്റവും നിങ്ങൾ വരുത്തിയിട്ടുണ്ടാവില്ല, ഇതും കാര്യമായി പലരും കാണാറില്ല. എപ്പോഴും ക്ഷീണം അനുഭവപ്പെടുന്നതും കോളൻ കാൻസറിന്റെ ലക്ഷണമാണ്. നല്ലൊരു ഉറക്കം കഴിഞ്ഞ് എഴുന്നേറ്റാലും ക്ഷീണവും തളർച്ചയും വിഷപ്പില്ലായ്മയും ശ്രദ്ധിക്കണം. ഉറപ്പായും ഡോക്ടറെ കാണണം.Content Highlights: Don't ignore these symptoms, may be it is Colon cancer